Новости

21 февраля 2017

З ЮБІЛЕЕМ, МАЭСТРА ЖЫВОГА ГУКУ!

Дырэктару – мастацкаму кіраўніку Заслужанага калектыву «Нацыянальны акадэмічны канцэртны аркестр Беларусі», народнаму артысту Беларусі, лаўрэату Дзяржаўнай прэміі Беларусі, Лаўрэату прэміі Саюзнай дзяржавы, прафесару Міхаілу Якаўлевічу Фінбергу 21 лютага 2017 года споўнілася 70 год.

Дзяржаўная ўстанова “Цэнтр культуры “Віцебск” – Дырэкцыя Міжнароднага фестывалю мастацтваў “Славянскі базар у Віцебску” віншуе юбіляра і выказвае шчырую ўдзячнасць за шматгадовае творчае супрацоўніцтва. Музыкай аркестра прасякнута кожная старонка гісторыі Міжнароднага фестывалю мастацтваў “Славянскі базар у Віцебску”. Ганарымся тым, што іскра творчасці маэстра і аркестра цяпер заўсёды гарыць у нашым горадзе іменнай зоркай на Плошчы Лаўрэатаў Спецыяльнай узнагароды
Прэзідэнта Рэспублікі Беларусь “Праз мастацтва – да міру і ўзаемаразумення”.

Жадаем Міхаілу Якаўлевічу здароўя, натхнення і плёну ў працы. Няхай высакародная мэта – папулярызацыя беларускай музыкі і культуры – адкрывае перад Нацыянальным акадэмічным канцэртным аркестрам Беларусі ўсё новыя далягляды! А шчырая любоў гледачоў ва ўсім свеце стане невычарпальнай крыніцай творчых сіл і энергіі. Спадзяемся на неаднарозовыя сустрэчы і сумесныя культурныя праекты!